දෙවියන්ට යවන සංදේශය

අතීතයේ දවසක
ප්‍රොමිතියස් පැතූ සේ
ඔහු හොරෙන් ගෙනවිත්
තෑගි කල
ගිනි පුපුරෙන්
දියුණු වී
ගිනි පුපුරද
දියුණු කල
මිනිසා
ඒ ගින්නෙන්ම,
එකිනෙකා දවා ගෙන
විනාශ වී යන
දිනය
වැඩි ඈතක නොවන බව
දන්වා යවන්න සියුස් හට
පැන්ඩෝරා අතේ එවූ
මංජුසාව,ඔහු පැතූ සේම
ක්‍රියාත්මක වූ බව
කියන්න
මිනිසාට දඬුවම් කිරීමට
තිබූ ආශාව
ලඟදීම ඉෂ්ඨ වන බව.
දන්වා යවන්න.
එයද අහිමිවී ඇති බව
අනිවාර්යයෙන් කියන්න!
කුමක්ද?
වැරදීමකින්
මංජුසාවේ දමා එවූ
.
.
.
“බලාපොරොත්තුව…!”

පින්තූර ඇල්බමය

චිත්‍රපටියක්
බැලුවා මම
පරන
එක් එක් අය
පෙන්වමින්
කොහොම හිටි අයද?
දැන් කොහොම ඉන්නා අයද?
කියමින්
බොහෝ අය දැන්
මිය ගිහින්
ළමා චරිත රඟපෑ අය
ලොකු වෙලා දැන්
හදනවා චිත්‍රපටි
ඒ අයගෙම.
පුළුන් නොදැමූ නිසා
පරන රූප බොඳ වෙලා
ප්‍රධාන නිළිය අපෙ අම්මා…
ප්‍රධාන නළුවා අපේ තාත්තා…
කැමරාව කැඩිලා
චැහ්!
තව ටික කලක්
තිබුනා නම්
චිත්‍රපටියේ
මමත් රඟපානවා….

‘මාක්’ පෙරලූ පොත

අඳුනන
නාඳුනන
හැමෝම එකතුවෙන
හැමෝගෙම කාලය
අනුභවයට
උදව් දෙන
හැමෝම බලන නිසා
මාක් ගේ සාක්කුව
බර වෙන
වැඩිම පි‍ටු ගනන ඇති
මාක් පෙරලූ
ලෝකයම යටවූ
ලෝකයේ ලොකුම පොත
මාක් ගේ
“මූනු පොත”

සොයා දෙන්න මට

සොයා දෙන්න මට
මගේ
පෙම්වතිය
මට ද හමු වී නැති
නමුත්
ඇයව
හඳුනාගත හැකි වේවි
ඔබට නිසෙකවම
ජීවිතයටත් වඩා
මට
පෙම් කරන එකම
යුවතිය
හමුවුනොත් පවසන්න
ඇය සොයන
ඔහු
හෙවත්
මම ද
ඈ සොයන බව
තවම…

~2010/02/14~

අහිංසක ගෙන්දගම් හා නගරයේ කවියා

ගම නම් සුන්දරලු

නගරය අවලස්සනලු

මේ ගෙන්දගම්

පොළොවක්ලු

කවියන් එහෙම කීවත්

මහ පොළොවෙන්

කොටසක් අරන් බැලුවා මම

ඊර්ශ්‍යවේ,තණ්හාවේ,මානයේ

ප්‍රතිශතය ගෙන්දගම්

වලට වඩා වැඩි බව

ඔප්පු වුනා මට

ගම නම් සුන්දරලු

නගරය අවලස්සනලු

මට නම් ලස්සන නගරයමයි

නෙළුම් විලට

තරු කැට,හඳ වගේම

බේරෙ වැවට

නියොන් එළියයි වීදි ලාම්පු එළියයි වැ‍ටුනම

මට නම් හරි සුන්දරයි.

~2007/05/17~

ජය වේවා

ජය වේවා!

සොයුර

දිරිය ගනු සිතට

පිටියට පා තබන විට

තුන්දාහක් ඇත

ඔබ වෙනුවෙන්

ජය ඝෝශා නගන්නට

පිත්තට යොදන බලය හසුරවන්න

පන්දුව සීමා රේඛාවෙන්

ඉවතට යැවීමටම සිතාගෙන

බ්~නූලි නියමයෙන්

පන්දුව දඟ කවන්න

පිතිකරුට නොදැනී

එය කඩුල්ලේ වදින්නට

ත්වරනයෙන් පන්දුව ඉලක්කයටම යොමු කරන්න

පන්දුව දැමූ වග

දෘශ්ඨි විතානයටත් නොදැනෙන වේගයෙන්

පිත්තේ චාලක ශක්තිය

ලැබූ පන්දුව ‍රැකගන්න

සීමාවෙන් ඉවතට යා නොදී

පරීක්ශනයක

සාර්තක හෝ අසාර්තක බව මෙන්ම

තරඟයේ ජය පැරදුමද

සමසේ විඳ දරාගෙන

නියම මහත්වරුන්ගේ ක්‍රීඩාවක

නිරත වෙමු

ලෙංගතු සහෘදත්වය

සිත්හි දරා ගෙන

~2007/03/08~

(Wrote for the advertisement by science section for 2007 Big match of our school )

සුබ උපන් දිනයක්!

“හැපි බර්ත් ඩේ!”

සැමරීමක් ද මෙය?

කුමක් සමරන්නද?

උපන් බව?

“ජාති දුකට පත්වූ දිනය”

මතක් කර ප්‍රීති වන්නද?

“සුබ උපන් දිනයක්!”

හැමූම කියාවි මට

සුභ වෙන්නෙ කොහොමද?

මරණය සිහිවෙනකොට?

“හෙට ගැන නොහිතා අද සතු‍ටු වෙයන්!”

කෙනෙක් කියාවි මට

ඉටි පන්දම් විසි එක නිවලා

කේක් බෙදලා දෙන්නම් මම

හිනාවෙලා,කාල බීල

සතු‍ටු වෙයල්ලා

මම මගේ මරණෙට

තව අවුරුද්දකින් ලංවුන්නු බව

මතක් කරලා….

~2007/04/10~

මම දනිමි

මමත් ආසයි ඔබ දිහා බලාගෙන ඉන්න

හොරෙන් ලියුමක් ලියන්න

හොරෙන් කථා කරන්න,S.M.S එවන්න

හවස 3ට මූදු වෙරලෙදි

පාක් එකේදි,පාළු  පාරෙදි

තනියම අතින් අල්ලගෙන

හුඟක් දේ කිය කියා පාර දිගේ

ඇවිදගෙන යන්න

හොරෙන්ම වගේ ඔය සිරුර මගේ තුරුලට ගන්න

එතකොට තවත් අවුරුදු

හතරකින්,පහකින් මේ වගේම

අපි ඉඳීවි,තවත් එකෙකු මැදි කරගෙන

රස්සාවක් කරලා නෙමේ හොයලා

මහන්සිවෙලා මම ඇවිත් ඇනෙක්සියේ

දොරට තඩි බාවි,බූරු ඇන්දේ නිදා උන්

පොඩි එකා කෑ මොර දේවි.

එතකොට බොඳ වේවි

ඒ සිහින,

හොඳට කා බී

වීක් එන්ඩ් එකේ

‍ෆිල්ම් එකක් බලලා

පොඩි බබත් එක්ක ‍රැල්ල පාගලා

මම අරන් දෙන ලස්සන දේ

ඇඳලා පැලඳලා

පාටි වලටත් ගිහින්

සන්‍තෝසෙන් කල් ගෙවන්න

ඒ දැකපු හීන බොඳ වේවි

සත්තකයි.

මම දනෛමි මම වගෙම

ඔබත් ඒ හීන දැකපු බව

මම දනිමි මට වඩා

ඔබ

ඒ හීන වලට ආස බව

ඒ නිසා සමු ගන්න මිතුරිය

මිත්දමක් පමනක්

ඉතිරි කරමින්….

~2007/–/–~

විද්‍යාවෙන් කලාවට

මන්දාකිණියක්,තරු පොකුරක්

කළු පසුබිමේ ඇඳි වර්ණවත් චිත්‍රයක් ලෙසත්

කලාත්මක නර්තනයක්

සමතුලිත බල පද්ධති ක්‍රියා කරන

වස්තු සමූහයක චලිතයක් ලෙසත්

ගණිතමය තර්කය හසුරවන සමීකරනයේ

සමාජීය හරයන් විමසන විවාදයකුත්

මිනිස් සිරුරේ අපූර්වත්වය

නිර්මාණශීලී නවකතාවක් ලෙසත්

රසායනික සොයාගැනීම්

විස්මය හා කුහුල කැටි කරගත්

කෙටි කතා ලෙසත්

ඒ සියල්ලටම මඟ පෙන්වූ

විද්‍යාඥයින්ගේ හා කලාකරුවන්ගේ

ජීවිත කථා

ජීවිතයේ කඨෝර බව හා

සාර්තකත්වයේ සතුට කියා දෙන

මා හැඟි නිසඳැස් ලෙසත් දැකීමට

විද්‍යාවෙන් කලාවට කෙරෙන අරාධනයයි

~2006/09/29~

මිනිසුනේ

මිනිසුනේ…

මිනිසුනේ…

මෙතේ බුදුන් කේතුමතියෙ

බුදු වන තුරු බලා සිටින මිනිසුනේ

මිනිසුනේ…

මිනිසුනේ…

දියසෙන් වරු මේ සිරිලක

බිහි වන තුරු බලා සිටින

මිනිසුනේ…

මිනිසුනේ…

අවදිකරනු තොප සිත් තුල

නිදා සිටින මහ දෙවිවරු

ඉ‍ටු කරගනු තොපේ පැතුම

නිර්වාණය කරා දිවෙන

මිනිසුනේ…

මිනිසුනේ…

~2006/04/30~