දෙවියන්ට යවන සංදේශය

අතීතයේ දවසක
ප්‍රොමිතියස් පැතූ සේ
ඔහු හොරෙන් ගෙනවිත්
තෑගි කල
ගිනි පුපුරෙන්
දියුණු වී
ගිනි පුපුරද
දියුණු කල
මිනිසා
ඒ ගින්නෙන්ම,
එකිනෙකා දවා ගෙන
විනාශ වී යන
දිනය
වැඩි ඈතක නොවන බව
දන්වා යවන්න සියුස් හට
පැන්ඩෝරා අතේ එවූ
මංජුසාව,ඔහු පැතූ සේම
ක්‍රියාත්මක වූ බව
කියන්න
මිනිසාට දඬුවම් කිරීමට
තිබූ ආශාව
ලඟදීම ඉෂ්ඨ වන බව.
දන්වා යවන්න.
එයද අහිමිවී ඇති බව
අනිවාර්යයෙන් කියන්න!
කුමක්ද?
වැරදීමකින්
මංජුසාවේ දමා එවූ
.
.
.
“බලාපොරොත්තුව…!”